>> Me: Ndeewo mama! (Good morning mama!)
>>
>> Mama: Good morning nwa m. (Good morning my child). How are you?
>>
>> Me: I'm fine, thank you. What of you mama?
>>
>> Mama: I dey fine. I thank God o. We don come out again to hustle to see money we go use for house. My daughter, e no easy at all. This my Akara business eh. Na so I dey stress my sef but em gain no too dey plenty. I don tire already sef. But e better pass to dey stay for house. At least, the one one naira I dey get everyday dey put
food for our table every night.
>>
>> Me: Mama, I know you have to engage yourself in something to keep yourself busy, but what of your husband?
>>
>> Mama: My husband e dey o. He dey his own side dey hustle. Na him dey pay other small small money we suppose to dey pay for yard. Even children school fees, na him dey pay. That my husband don too suffer for us. He no even get better job. Na so so complain he dey complain every day every day when he come back. Me too, e no easy for me. I no know who to blame, whether na Nigeria abi na God. The thing don tire me.
>>
>> Me: Mama!! It's well. God will surely make a way. But mama o, did your parents send u to school while you were with them?
>>
>> Mama: Hmmm!!! You see, my daughter, I no go lie for you. My parents them try dem best for me. Na only me wey my papa and mama born. Things been dey very hard for them that time. No money for them to send me to school. Na farm wey I carry do my own school o. When I reach 15 years, them bring man for me say make I marry am. Them talk say the man go take care of me because em get money. Me na don tire for suffer, I kuku agree to marry am.
>>
>> Me: But mama, how come you are still suffering up till now if your husband was a rich man?
>>
>> Mama: My dear, after we got married o, na so so bad bad things begin dey happen to us up and down. E no even reach one year for our marriage, them sack am for work. Na so so hustle em dey do since that time. He no dey too get enough money again. I no be wan talk am before, but 'e be like say dem they follow am from village'.
>>
>> Me: Hahahah! Mama! You don't have to say that na.
>> Mama: You check am na. E no look ordinary o.
>>
>> Me: I understand Mama. So, mama, in this your business, you get savings at all?
>>
>> Mama: Savings?? Who dey talk about savings when person never chop belle full. Eh, but I dey mark akawo. I dey give akawo woman #100 everyday she pass here. She talk say e go benefit me after, na why I dey just close my eyes dey give am.
>>
>> Me: That's good mama. It will surely benefit you. At least, since you no get person wey go pay u pension, when dat your akawo money plenty well well, you fit take am hold body. Shebi u understand?
>>
>> Mama: Ah! My daughter, na true you talk so oo. I go continue. I no go fail to dey give am everyday everyday.
>>
>> Me: Wait o. Mama! See Adanna o. She's my friend. My very good friend. Adanna!!! (Calling out)
>>
>> Adanna: Ah Ah! Amaka! What are you doing here? How are you?
>>
>> Me: I'm fine o. I came out to buy akara and gist with my mama friend small.
>>
>> Adanna: Oh! I see. Mama, good morning!
>>
>> Mama: Good morning my daughter. How are you?
>>
>> Adanna: I'm fine mama. Mama, this your akara smells really nice.
>>
>> Me: It even tastes better. You've tasted it before. Do you remember that day you came to my room and met me eating akara and you took some to taste? I bought them from here.
>>
>> Adanna: Are you serious? They were tasty. Mama, your akara tastes very nice. You can fry akara o.
>>
>> Mama: My dear o(smiling). You know eh, anything person dey do for this life, the person suppose bend down do am well well so that you and other people go dey happy with the result .
>>
>> Adanna: You are right mama. Amaka, this your mama friend seems to be nice.
>>
>> Me: I think she's a nice person. She's been telling me stories about herself. Mama has really suffered o.
>>
>> Adanna: Amaka!
>>
>> Me: What?
>>
>> Adanna: How could you say that? It's as if you are swearing for mama.
>>
>> Me: But it's the truth. Since she was born, she has been suffering.
>>
>> Mama: Adanna, na truth your friend dey talk so. Me na suffer head. Since my pikin stage reach now. Na only God dey keep me and my family o.
>>
>> Adanna: Eeya! Mama Ndo. O ga adicha mma. (Sorry mama. All will be well)
>>
>> Mama: Amen o nwa m. (Amen my child)
>>
>> Adanna: Amaka, ermmm.... I have to start going. I want to go and see Chizoba. That textbook she borrowed from me since last week, she hasn't returned it. Let me go and collect it myself and besides, I need it for my assignment.
>>
>> Amaka: You mean she has not returned that book up till today? Anyway, go na. I will see you later.
>>
>> Adanna: Ok. Remain akara for me o.
>>
>> Me: Better buy your own o. Nke a abughikwa nke a na-enyetu enyetu. (I won't share this one o)
>>
>> Adanna: Adikwa m serious. Agwachakwala m gi o. (I'm serious. I've told you o). Mama, ka m ga puta. Ahia oma o. (Mama, let me be on my way. I will be back. I wish you good sales.)
>>
>> Mama: Oooo nwa m. (Ok, my child) Thank you.
>>
>> Me: Ehe! Mama, put akara #100 for me make I go use am drink garri with my roommate. Na so so manage we dey soooo o.
>>
>> Mama: Ok my dear. I go even put jara for you sef. Make you dey come dey buy market o.
>>
>> Me:I will be coming Mama, but na when money dey. You know na.
>>
>> Mama: I know. Read your book very well o make you pass and get better job so that your parents them go dey very proud of u.
>>
>> Me: Ok mama. Ngwanu, bye bye o.
>>
>> Mama: Bye Bye nwa m. Chai! Nwa oma, o ga adiri gi na mma (Bye Bye my child. Good child! It shall be well with you!) Abeg o, make I dey do fast fast before plenty customers go come.
>> END
#bella
No comments:
Post a Comment